XORAZMSHOHLAR DAVLATINING TARIXIY GEOGRAFIYASI

Mazkur maqolada Xorazmda hukmronlik qilgan anushteginiylar sulolasi davrida o'lkaning ijtimoiy-iqtisodiy rivojlanishi, siyosiy-tarixiy geografiyasi haqida ma’lumotlar yoritilgan bo’lib, davr nuqtai nazaridan boshqaruvni o'z qo'liga olgan hukmdorlar, ularning boshqaruv uslublari, harbiy yurishlari hamda shu bilan birgalikda siyosiy-tarixiy jarayonlar borasida ma’lumotlar keltirilib o’tilgan. Xorazmshohlar davlatida bo'lib o'tgan tarixiy evrilishlar, bosqinlar va shu bilan birga ichki bosh-boshdoqliklar, qo'shni dushmanlarning payt poylab davlatchilikning zaif nuqtalaridan foydalanib zimdan va oshkora amalga oshirgan harakatlari ushbu ulkan hududlarda yastangan mamlakatning murakkab taqdiridan so'z yuritiladi.